ຄວາມພ້ອມຂອງແຂວງໜອງຄາຍ

ຄວາມພ້ອມຂອງແຂວງໜອງຄາຍ

ສໍາລັບຄວາມພ້ອມດ້ານຕ່າງໆໃນການຕ້ອນຮັບນັກທ່ອງທ່ຽວນັ້ນແຂວງໜອງຄາຍມີຄວາມພ້ອມເປັນຢ່າງສູງເຮົາມີການຄົມມະນາຄົມທີ່ມີຄວາມສະດວກ,ປອດໄພ.

ໂດຍສາມາດເດີນທາງໄດ້ທັ້ງທາງຫລວງໜາຍເລກ ໒ ເສັ້ນທາງມິດຕະພາບຫ່າງຈາກກຸງເທບປະມານ ໕໑໕ ກິໂລເມັດ, ລົດໄຟສາຍກຸງເທບ-ໜອງຄາຍແລະ ມີລົດໄຟລະຫວ່າງປະເທດຄືສາຍທາງໜອງຄາຍ ແລະທາງທ່ານາແລ້ງ (ສປປ ລາວ). ນອກຈາກນີ້,ສາມາດໂດຍສານທາງເຮືອບິນມາລົງທີ່ສະໜາມບິນນານາຊາດອຸດອນທານີແລ້ວເດີນທາງຕໍ່ໂດຍລົດຍົນມາແຂວງໜອງຄາຍ,ໃນໄລຍະທາງ ໕໐ ກິໂລແມັດ.

ນອກຈາກນີ້ໜອງຄາຍຍັງມີລະບົບເຄື່ອງບໍລິໂພກ-ອຸປະໂພກພື້ນຖານທີ່ຄົບຖ້ວນໄດ້ຮັບການຈັດລໍາດັບໃຫ້ເປັນເມືອງ ທີ່ໜ້າຢູ່ອາໄສ ອັນດັບ ໓ ຂອງໂລກ, ຈາກການຄັດເລືອກຂອງນິຕະຍະສານ Modern Maturity ຂອງສະຫະລັດອາເມຣິກາ ຊຶ່ງມີເກນການວັດແທກເມືອງໜ້າຢູ່ອາໄສ ໑໒ ຕົວວັດແທກຄື: ສະພາບອາກາດ, ຄ່າຄອງຊີບ, ວັດທະນາທໍາ, ທີ່ຢູ່ອາໄສ, ເຄື່ອງບໍລິໂພກ-ອຸປະໂພກ, ການຄົມມະນາຄົມ, ການບໍລິການທາງການແພດ, ສະພາບແວດລ້ອມ, ກິດຈະກໍາຮ່ວມມ່ວນຊື່ນສາມັກຄີການ, ລະບົບຮັກສາຄວາມປອດໄພ, ຄວາມໜັ້ນຄົງທາງການເມືອງ ແລະ ເທັກໂນໂລຍີ. ພ້ອມນີ້ກໍ່ເພື່ອເປັນການສົ່ງເສີມການທ່ອງທ່ຽວໃນຖານະທີ່ເປັນ Gateway ຂອງອິນດູຈີນ ແລະ ເປັນແຂວງທີ່ມີການທ່ອງທ່ຽວແຫ່ງປະເທດໄທ ຄັດເລືອກໃຫ້ເປັນເມືອງ Long Stay ສໍາລັບການທ່ອງທ່ຽວ.

ແຂວງໜອງຄາຍມີສະຖານທີ່ທ່ອງທ່ຽວທີເປັນທີ່ຮູ້ຈັກຂອງນັກທ່ອງທ່ຽວຢ່າງແພ່ຫຼາຍ ແລະ ມີຢູ່ຫລວງຫຼາຍ, ສໍາລັບສະຖານທີ່ທ່ອງທ່ຽວໃນແຂວງໜອງຄາຍທີ່ມີນັກທ່ອງທ່ຽວຊາວໄທ ແລະ ຊາວຕ່າງປະເທດມາທ່ຽວຊົມຢູ່ເປັນປະຈໍາ ຈະເປັນສະຖານທີທີ່ເປັນບູຮານສະຖານທາງພະພຸດທະສາດສະໜາ ແລະ ສະຖານທີ່ທ່ອງທ່ຽວທາງທໍາມະຊາດ, ສະຖານທີທ່ອງທ່ຽວ, ທີ່ສໍາຄັນເຊັ່ນ: ວັດໂພໄຊ ວັດພະທາດບັງພວນ, ວັດຜາຕາກເສື້ອ ແລະ ແຫ່ງທ່ອງທ່ຽວອີກຫລວງຫຼາຍທີ່ເປີດໂຕເປັນແຫ່ງທ່ອງທ່ຽວໃໜ່ຂອງຈັງຫວັດເຊັ່ນ: ທີ່ເມືອງສັງຄົມອີກທັ້ງໃນປີ ພສ ໒໕໕໖ ເປັນປີແຫ່ງການຄົບຮອບ ໒໐ ປີ. ສະພານມິດຕະພາບໄທ-ລາວ ແຂວງໜອງຄາຍໄດ້ກໍານົດກິດຈະກໍາເພື່ອການສະເລີມສະລອງໃນໂອກາດສໍາຄັນນີ້ ຊາວໜອງຄາຍຍິນດີໃຫ້ການຕ້ອນຮັບນັກທ່ອງທ່ຽວ ແລະ ຂໍ້ເຊີນຊວນທຸກທ່ານເຂົ້າມາທ່ອງທ່ຽວ ແລະ ສໍາພັດຕົວຈິງໃນວິທີຊີວິດຊາວລຸ່ມແມ່ນໍ້າຂອງ ທີ່ແຂວງໜອງຄາຍດ້ວຍຄວາມອົບອຸ່ນ ແລະ ເຕັມໄປດ້ວຍມິດຕະພາບໄມຕີຢ່າງແທ້ຈິງ.